Kila la kheri watahiniwa darasa la saba 2023 - DED Lutengano.

Imewekwa: September 12th, 2023

Mkurugenzi Mtendaji wa halmashauri ya Wilaya ya Bukombe Lutengano Mwalwiba amewatakia Mtihani mwema watahiniwa wote wa darasa la saba wanaotarajia kufanya mitihani yao ya kumaliza elimu ya Msingi tarehe 13 - 14 Septemba, 2023 huku akiwata kuzingatia taratibu zote za mitihani.

Salamu za kheri amezitoa wakati akiongea na wanafunzi wa darasa la saba shule ya msingi Ilyamchele. 

Kwa upande wake Afisa Elimu Msingi (W) Mwl. Marycelina Mbehoma amesema jumla ya watahiniwa 10,032 wa darasa la saba wataungana na wenzao nchini kote kufanya mtihani wa kumaliza elimu ya msingi kwa mwaka 2023.

Aidha Mbehoma aliendelea  alisema kuwa kati ya watahiniwa hao wasichana ni 5400 na wavulana ni 4632 kutoka katika shule 94 za halmashauri ya Wilaya ya Bukombe.

Akiongea kwa niaba ya wanafunzi wenzake Adelina Lucas Surasura mwanafunzi wa Darasa la Saba wa shule ya msingi Igulwa amesema, wamejiandaa vizuri na mitihani hiyo na wanaamini watafaulu vizuri sana.

Imetolewa na:-

Kitengo cha Mawasiliano Serikalini 

Halmashauri ya Wilaya ya Bukombe 

Tarehe 12 Septemba, 2023.