BUKOMBE DC YAZINDUA CHANJO YA KUKU (TATU MOJA).

Imewekwa: July 3rd, 2025

Halmashauri ya Wilaya ya Bukombe imezindua rasmi Chanjo ya kuku aina ya (Tatu Moja) yenye lengo la kudhibiti magonjwa hatarishi ya kuku ambayo ni Mdondo, Ndui na Mafua.

Uzinduzi huo umefanyika tarehe 02 Julai, 2025 ukiongonzwa na Kaimu Mkurugenzi wa Halmashauri ya Wilaya ya Bukombe Bi. Melania Kwai ambapo alikabidhi Dozi 320,000 kwa Maafisa Mifugo ngazi ya Kata kkwaajili ya kutekeleza zoezi hilo katika Kata, vijiji na Vitongoji.

Kwai amewasisitiza Maafisa Mifugo kutekeleza zoezi hilo kwa ufanisi mkubwa ili liweze kuleta matokeo chanya na yenye tija kwa wafugaji.

“Ninaamini Halmashauri yetu itaenda kufanya vizuri zoezi hili na niwatakie majukumu mema katika utekelezaji wenu”.

Zoezi la utoaji wa Chanjo kwa kuku litafanyika kuanzia tarehe 03 Julai, 2025 na litadumu kwa muda wa takribani wiki mbili.

Kampeni hii ya Kitaifa ya Chanjo kwa mifugo ilizinduliwa rasmi na Rais wa Jamhuri ya Muungano wa Tanzania Mhe. Samia Suluhu Hassan Juni 16, 2025 Mkoani Simiyu.