Timu za Uhamasishaji Zatakiwa Kutoa Elimu ya Kutosha

Imewekwa: November 30th, 2022

Mkuu wa Wilaya ya Bukombe Mhe. Said Nkumba amezitaka timu za uhamasishajishaji kuhakikisha zinatoa elimu ya kutosha kwa jamii ili watoto wote wenye umri chini ya  miaka 5 waweze kupata chanjo ya Matone ya Polio.

" Hakikisheni mnawahamasisha wazazi /walezi ili wawapeleke watoto wao kupatata chanjo hiyo muhimu."

Nkumba ameyasema hayo leo tarehe 30 Desemba, 2022  katika kikao cha Kamati ya Afya ya Msingi ya Wilaya ya Bukombe cha kupitia malengo ya kampeni ya chanjo ya matone  awamu ya nne kwa watoto wote wenye  umri chini ya miaka mitano.

Aidha Nkumba amesema hatua kali za kisheria zitachukuliwa  kwa mtu yoyote atakayekwamisha zoezi hilo.

" Ole wake mtu yoyote atakayekwamisha zoezi hili muhimu la  Kitaifa kwani hatua kali za kisheria zitachukuliwa dhidi yake."

Akiongea katika kikao hicho Mganga Mkuu wa Wilaya Dr.Deograsia Mkapa amesema chanjo ya matone ya Polio  inatolewa bure kuanzia tarehe 1 /12/2022 hadi tarehe 4/12/2022 katika vituo vyote vya serikali na binafsi vya kutolea huduma za afya  na nyumba kwa nyumba na vituo vyote vitakuwa wazi kuanzia saa 02:00  asubuhi hadi saa 12:00 jioni.

Katika halmashauri ya Wilaya ya Bukombe takribani watoto 107, 897 wanatarajia kupata chanjo ya Matone ya Polio.

"Hatuwezi kutibu Polio lakini tunauwezo wa kuzuia." "MPE MATONE OKOA MAISHA"