Wanafunzi wanne Kushiriki katika Mashindano ya FEASSA

Imewekwa: July 27th, 2023

Wanafunzi wanne waliofanya vizuri katika mashindano ya UMISSETA ngazi ya Taifa wa shule za sekondari kutoka katika halmshauri ya wialya ya Bukombe wamechaguliwa kuiwakilisha Tanzania katika mashindano ya Umoja wa Michezo kwa nchi za Afrika Mashariki (FEASSA)

Hayo yamesemwa na Afisa Michezo Wilaya Jenipher Kisusi wakati wa zoezi ya kuwapongeza wanafunzi pamoja na walimu walifika ngazi ya Taifa katika mishindano ya UMITASHUMTA na UMMISETA kwa mwaka 2023.

"Kilichotufikisha hapa ni nidhamu,  walimu endeleeni kuwafundisha wananafunzi wetu nidhamu ili tuweze kufika mbali katika sekta hii ya michezo."

Akiongea katika kikao hicho Mkurugenzi Mtendaji wa Halmashauri ya Wilaya ya Bukombe Lutengano Mwalwiba,  amewashukuru walimu na wanafunzi kwa kuiheshimisha Wilaya.

"Asanteni walimu na wanafunzi kwa kutuheshimisha mmetuweka sehemu ambayo tumestahili kuwepo. Tumekuwa shamba darasa la utekelezaji wa Ilani katika sekta ya michezo."

Aidha amewataka wanafunzi kuhakikisha wanapeperusha  bendela ya Tanzania katika mashindano hayo ya  FEASSA.

"Hakikisheni mnavitendea haki vipaji mlivyopewa na mwenyezi Mungu ili muweze kupeperusha bendera ya Tanzania katika mashindano hayo ya Afrika Mashariki.

Wanafunzi watakaoshiriki mashindano ya Umoja wa nchi za Afrika Mashariki ni pamoja na  Emmanuel Marco Singi  kutoka shule ya sekondari Ushirombo, Lazaro Peter Lazaro shule ya sekondari Katente, Robert Deus Butakila  na Bulegi Zacharia Enock shule ya sekondari Runzewe.

#Bukombe Hakuna Kilichosimama.

#Kusema na Kutenda