Mradi wa BOOST kivutio kamati ya siasa wilaya.

Imewekwa: September 18th, 2023

Mradi wa BOOST unaotekelezwa katika kata ya Bulangwa wawakivutio kwa kamati ya Siasa Wilaya baada ya wajumbe kutembelea na kukagua utekelelezaji wa mradi huo.

Akiongea katika ziara hiyo  Mwenyekiti wa CCM (W) ya Bukombe  Ndg. Matondo kihanda Lutonja alisema mradi huo wa BOOST umekidhi viwango na ubora.

"Mradi huu umetuvutia sana kwani umetekelezwa kwa uwazi wa matumizi ya fedha  na umekidhi viwango na ubora ambao serikali imekusudia."

Aidha wajumbe wa kamati hiyo walisema, Wakuu wa Divisheni na Vitengo wa Halmashauri  wamekuwa wakikitendea haki Chama Cha Mapinduzi (CCM) kwa usimamizi mzuri wa miradi ya maendeleo.

Kwa upande Mkuu wa Divisheni ya Elimu ya Awali na Msingi Marycelina Mbehoma  alimesema jumla ya shilingi 313,200,000 zimetumika kwa ajili ya ujenzi wa vyumba 12 vya madarasa, vyoo matundu 6.

Aidha Mkurugenzi Mtendaji wa Halmashauri ya Wilaya ya Bukombe Lutengano Mwalwiba amesema ushauri pamoja na mapendekezo yote yaliyotolewa na kamati yatafanyiwa kazi kwa ajili ya ustawi wa halmshauri.

Mradi wa kuimarisha ufundishaji na ujifunzaji kwa shule za Awali na Msingi Tanzania Bara BOOST ni sehemu ya mpango wa Lipa kulingana na Matokeo EP4R  na unachangia utekelezaji wa mpango wa Maendeleo ya Sekta ya Elimu.