Mpeleke binti yako wa Miaka 14 apate chanjo

Imewekwa: April 26th, 2018

Mkuu wa Wilaya ya Bukombe Mhe.Josephat Maganga amezindua rasmi chanjo ya Saratani ya Mango wa kizazi kwa wasichana wenye umri wa Miaka 14,uzinduzi huo umefanyika katika kituo cha afya Ushirombo leo tarehe 26, mwezi wa nne, 2018

Mhe.Josephat amewaeleza wananchi kuwa chanjo ya kinga ya Saratani ya Mlango wa kizazi Ina kinga maambukizi ya virusi vya HPV vinavyosababisha Saratani  ya Mlango wa kizazi, na inatolewa mara mbili ili kupata kinga kamili, Pia amesisitiza kuwa chanjo hii ni salama na bure kabisa kwani imethibitishwa na kutolewa na Wizara ya Afya,Maendeleo ya Jamii,Jinsia na watoto pamoja na shirika la Afya Duniani.

Mkuu wa Wilaya ametoa wito kwa wazazi na walezi kuhakikisha wasichana waliofikisha umri wa miaka 14 wanapatiwa chanjo ya dozi 2 ambapo dozi ya 2 itatolewa baada ya Miezi 6 ili kupata kinga kamili.

Saratani ya mlango wa kizazi ni ugonjwa hatari na unaua wanawake wengi kwa nchi zinazoendelea, ugonjwa huu una sababishwa na virusi vijulikanavyo kitaalamu kama Human Papilloma virus(HPV), ni ugonjwa ambao uambukizwa kwa njia ya ngono toka kwa mtu wenye virusi hivyo,virusi hivi pia huambukiza koo au sehemu ya haja kubwa kwa jamii zinazofanya ngono kwa kinyume na maumbile na wasichana wenye umri mdogo wanao uwezekano mkubwa wa kupata maambukizi ya HPV.

Katika Uzinduzi huu Mganga Mkuu wa Wilaya Dr.Irene Mukerebe amesema dalili ya maambukizi ya HPV ni uvimbe kwenye Sehemu za Uke au Uume au koo au Sehemu ya Haja Kubwa vinavyojulikana kama viotea, Pia mabadiliko katika deli za Mlango wa kizazi ambazo ni dalili za awali za Saratani ya Mlango wa kizazi mabadiliko hayo yasipodhibitiwa mapema hugeuka kuwa Saratani ya Mlango wa kizazi.

Dk.Irene ameongeza Pia dalili za Saratani ya Mlango wa kizazi ni kutokwa na uchafu au damu Kwenye uke, kupata hedhi bila mpangilio maalumu na kutokwa na damu ukeni baada ya tendo la Ndoa,“Saratani ya Mlango wa Kizazi inazuilika,mpeleke binti yako akapate Chanjo dhidi ya Saratani ya Mlango wa kizazi” alisisitiza Dk.Irene

Bukombe takribani wasichana zaikai ya 2000 ambao wanatarajiwa kupatiwa chanjo ya Saratani ya Mlango wa kizazi.

Mkuu wa Wilaya ya Bukombe Mhe. Josephat Maganga akihutubia katika Siku ya Uzinduzi wa Chanjo ya kujikinga na Saratani ya Mlango wa kizazi.

Mkuu wa Wilaya ya Bukombe akitoa chanjo ya matone kwa Mtoto Mwenye Miezi 2 ili kujikinga na Surua.

Mkuu wa Wilaya ya Bukombe Mhe.Josephat Maganga akitoa chandarua kwa Mama wenye Mtoto Chini ya Mwaka Mmoja.

Muuguzi Mwengele akitoa chanjo ya Saratani ya Mlango wa kizazi kwa Mwanafunzi wenye umri wa Miaka 14.

Mganga Mkuu wa Wilaya ya Bukombe Dr.Irene Mukerebe  akitoa Taarifa ya Shughuli za Kutoa chanjo katika Wilaya ya Bukombe.

Wanafunzi wasichana wenye umri wa Miaka 14 waliofika kituo cha Afya Kupata Chanjo.