Wazazi na walezi tuwathamini watoto imesisitzwa siku ya Mtoto Afrika wilayani Bukombe.

Imewekwa: June 16th, 2017

Siku ya mtoto wa afrika huadhimishwa duniani kote kwa lengo la kukumbuka ya mauji ya kikatili ya watoto zaidi ya 700 yaliyofanyika nchini afrika kusini katika kitongoji cha Soweto tarehe 16 juni 1976. Maadhimisho haya hufanywa kila ifikapo tarehe 16 juni ili kutambua thamani, haki,utu,upendo na umuhimu wa mtoto duniani tangu ilipotangazwa kuwa siku rasmi mwaka 1991 na jumuiya ya umoja wa afrika.Mwaka huu wilaya ya Bukombe imeadhimisha katika kata ya Katente kijiji cha namba moja siku hi ikiwa muhimu Afrika na Tanzania kwa ujumla,huku elimu  na afya vikiwa ndiyo vipaumbele katika maadhimisho haya.

Katika maadhimisho mgeni rasmi Mhe.Marry S.Mchiba diwani viti maalumu kata ya Runzewe Mashariki  amesisitiza wazazi na walezi kuwathamini watoto kwa kuwalea katika mazingira salama na mwenendo unaofaa ili kutengeneza taifa makini lenye upendo,ulinzi, na afya bora. “Mimi ni mama na bibi kwa wajukuu zangu natumbua na kuelewa umuhimu wa malezi bora kwa watoto kwa kutambua haki za msingi za moto,naomba wazazi wenzagu mliopo hapa tutambue na kuheshimu haki za watoto wetu ili kuendeleza taifa makini” amesema Mchiba. 

Aidha Mhe. Mgeni rasmi ametoa shukrani za dhati kwa shirika la Msalaba mwekundu na asasi isiyo ya kiserikali SHDEPHA kwa kuendelea kuelimisha wazazi na walezi kulinda,kujali,kuthamini, kuonyesha upendo na kuwapa watoto haki zao za msingi. Pia kutoa elimu kwa watoto umuhimu wa kutambua haki zao kama watoto.

Mhe.Mchiba amewaasa wanafunzi wa darasa la saba na nne kuhakikisha wanafaulu mitihani yao ili kuweza kwenda hatua nyingine hatimaye kufikia malengo na matarajio yao ya baadae, ndiyo maana serikali imeendelea kutoa kipaumbele katika sekta ya elimu kwa kutoa elimu bila malipo ili kuhakikisha mtoto anapata haki ya kupatiwa elimu bora. “wazazi,walezi tununue sare za shule na kuhakikisha kila mtoto aliyefikisha umri wa kwenye shule elimu haina malipo yoyote”.

Katika maadhimisho haya leo jumla ya watoto 20 wenye umri kuanzia miezi 6 hadi miaka 5 wamepatiwa chanjo ya Vitamin A na Minyoo ikiwa ni kujikinga na magonjwa mbalimbali  ya kuambukiza, zoezi hili ni endelevu wilayani hapa .    

Siku ya Mtoto Afrika yenye kauli mbiu “Maendeleo endelevu 2030,imarisha ulinzi na fursa sawa kwa watoto. Mgeni Rasmi  Mhe Marry Mchiba ametoa zawadi za madaftari 2 hadi 10 na kalamu kwa  washindi wa shairi nzuri,Sarakasi,Maigizo yenye mafunzo,uimbaji,uchezaji wa mziki na washiriki wote.

                    Washindi wakipokea zawadi kutoka kwa mgeni rasmi Mhe.Marry Mchiba katika maadhimisho siku ya Mtoto Afrika.