WALIMU WA MICHEZO FUATENI RATIBA ZA MICHEZO MASHULENI- DED MFIKWA.

Imewekwa: October 10th, 2025

Mkurugenzi Mtendaji wa Halmashauri ya Wilaya ya Bukombe Bi. Adelina Mfikwa amewataka Walimu wa michezo wa Shule za Msingi na Sekondari kuhakikisha wanafuata ratiba za michezo kama zilivyopangwa.

Wito huo ameutoa leo tarehe 10 Oktoba, 2025 wakati wa kikao kazi cha tathmini ya michezo ya UMITASHUMTA na UMISSETA kwa mwaka 2025 kilichofanyika katika ukumbi wa mikutano wa Halmashauri.

Aidha Mfikwa amewataka Walimu wa michezo kuhakikisha wana vitunza vifaa vya michezo.

“Hakikisheni mnatunza vifaa vya michezo mashuleni ili viweze kudumu kwa muda mrefu”.

Vilevile amewapongeza walimu pamoja na wadau wa michezo kwa kufanya vizuri katika mashindano ya UMITASHUMTA kwa kushika nafasi ya 3 na UMISSETA  nafasi ya 4 kimkoa kwa mwaka 2025.

Kwa upande wake Afisa Michezo (W) Bi. Jenipher Kisusi amesema kuwa kitengo cha michezo kinakabiliwa na changamoto mbalimbali ambazo ni uhaba wa vifaa vya michezo mashuleni pamoja na ufinyu wa bajeti ya uendeshaji wa michezo katika ngazi zote.

“Michezo ni Afya, Urafiki na pia ni Ajira”.