MIPIRA 128 KUTOKA TFF YAKABIDHIWA KWA MAAFISA ELIMU KATA

Imewekwa: May 3rd, 2024

Maafisa Elimu Kata wa Halmashauri ya Wilaya ya Bukombe wamekabidhiwa  jumla ya mipira 128 na Afisa Michezo wa Wilaya Bi Jenipher Kisusi kutoka Shilikisho la Mpira wa Miguu Duniani (FIFA) kupitia Shilikisho la Mpira wa Miguu Tanzania  kwa ajili ya wanafunzi wa shule za Msingi na Sekondari.

Akiongea na Maafisa Elimu Kata Kisusi amesema lengo la mipira hiyo ni  kwa ajili ya kupata timu bora na zenye viwango.

Aidha aliendelea kusema kuwa, " Mipira hii imefika wakati muafaka ambao tunawaandaa watoto katika mashindano ya Umoja wa Michezo na Taaluma kwa shule za Msingi Tanzania (UMITASHUMTA) na Umoja wa Michezo ya Shule za Sekondari Tanzania (UMISETA).