Yaliyojili Tarehe 22 Oktoba, 2021

Imewekwa: October 23rd, 2021

Maandalizi ya Ujenzi wa Vyumba vya Madarasa 107 kwa Shule za Msingi na Sekondary kwa Wakuu wa Idara,Maafisa Tarafa,Watendaji wa Kata,Waratibu Elimu Kata,Wakuu wa Shule na Walimu Wakuu leo 22 Oktoba 2021.

MKUU WA WILAYA YA BUKOMBE MHE.SAID NKUMBA  

#Nimeitisha kikao kazi hiki ili tupeane maelekezo ya pamoja ya utekelezaji wa ujenzi wa madarasa katika shule zetu za msingi na sekondari na asiwepo mtu yoyote ambaye atakwenda kinyume na maelekezo/ miongozo tunayoelekezana.

 #Rais wa Jamhuri ya Muungano wa Tanzania Mhe. Samia Suluhu Hassan ametupatia fedha zaidi ya kiasi cha shilingi Bilioni 2.1 za ujenzi wa vyumba vya madarasa 107 kwa shule shikizi 43 na sekondari 64 

#Twende tukaamshe mioyo ya wananchi ya kujitolea.

#Tukifanya hivyo tutapunguza gharama za ujenzi. Hivyo tutakuwa na uwezo wa kujenga vyumba vingi vya madarasa ambavyo vitatusaidia kupunguza changamoto ya upungufu katika shule zetu. 

#Tuwe na ushirikiano wa pamoja na viongozi kuanzia ngazi ya kitongoji / kijiji mpaka Tarafa.

#Twende na moto wetu ule ule wa utekelezaji wa miradi yetu ya maendeleo ambayo tumetekeleza kwa ubora na gharama nafuu iliyotuwezesha kufanikiwa kujenga vyumba vingi zaidi kuliko pesa tuliyoletewa katika miradi hiyo. 

 #Kazi ambazo wananchi wanaweza kuzifanya wakazifanye kulingana na maeneo yao kwa lengo la kupunguza gharama. 

#Tunatakiwa tukabidhi kazi ikiwa na ubora na pasipo shaka sambamba na nyaraka zote muhimu ziifadhiwe kwenye mafaili husika.

#Naendelea kuwasihi sana, mkawe na nidhamu kubwa sana kwenye fedha hizi. 

#Yoyote atakayejihusisha na jambo lolote ambalo linatia mashaka na matumizi ya fedha hizi nitaanza naye na mambo mengine yatafuata baadaye.

#Kamati zote tatu za ujenzi zifanye kazi kwa uadilifu. 

#Wale ambao watasimamia kazi vizuri tutaangalia namna bora ya kuwamotisha.

#Tunataka kazi ziende kwa kasi kubwa. 

#Kila kitu kiwe wazi na mkashirikishe watu wote.

#Tumieni "local" Fundi mnaowajua na wachapakazi lakini msiweke mafundi wababaishaji. 

MKURUGENZI MTENDAJI WA HALMASHAURI YA WILAYA YA BUKOMBE LUTENGANO MWALWIBA.

#Miundombinu hii ni mikubwa sana. Sisi kama Wilaya kwa fedha zetu za ndani ingetugharimu miaka 4 - 8 kuikamilisha.

 #Lazima tujipange na tujizatiti sawa sawa. 

#Muda wa kufanya kazi hii ya ujenzi wa madarasa ni mpaka tarehe15 /12/2021, majengo yote yawe yamekamilika.

 #Tutafanya kazi zaidi ya muda wa kawaida, ikibidi mpaka usiku. 

Imetolewa na :-

 Kitengo cha TEHAMA 

Halmashauri ya Wilaya ya Bukombe

Tarehe 22 Oktoba, 2021.  #Twende tukawashirikishe na kuwahamasisha wananchi katika kila jambo.