Bukombe Inaendelea kutekeleza mipango mikakati ya Serikali ya awamu ya tano.

Imewekwa: August 20th, 2018

Halmashauri ya Wilaya ya Bukombe imepokea kiasi cha Shilingi za Kitanzania 110,000,000/= kutoka Mamlaka ya Elimu Tanzania(Tanzania Education Authority) Mil.60 imelenga kujenga vyumba vitatu vya madarasa pamoja na semant zake, zikiwemo meza 120 na Viti 120 huku kwa Kila darasa kutakuwa na meza na vita 40 katika shule ya sekondari Businda, huku Mil.50 iliyobaki imelenga kutekeleza ujenzi wa matundu 24 ya vyoo, ujenzi wa miundombinu hii ni maandalizi ya Kuandaa miundombinu ya kuanzisha Kidato cha Tano katika Shule sekondari Businda ifikapo julai 2019.

Aidha hatua mbalimbali za Ujenzi wa miundombinu hii imefikiwa ambapo jengo la vyumba Vitatu vya Madarasa vimefikia hatua ya Lenta, matundu 8 ya vyoo vya wavulana yamefikia hatua ya Lenta, matundu 8 ya vyoo vya wasichana (kutwa) yamefikia hatua ya kuweka kozi tano, na matundu mengine 8 ya vyoo vya wasichana (Bweni) vimefikia hatua ya Msingi.

Wilaya ya Bukombe Ina Shule Moja tu ya kidato cha Sita ambayo imekuwa minara katika ufaulishaji Kimkoa na kushika nafasi nzuri Kitaifa, shule ya sekondari Runzewe imefaulisha wanafunzi 137 ambas ndiyo idadi ya wanafunzi waliosajiliwa Kufanya mtihani wa kidato cha Sita 2018.

Watahiniwa 67 walipata drama la I, watahiniwa 58 draja la II, na watahiniwa 12 pekee ndiyo waliopata draja la III, huku kukiwa hakuna mtahiniwa yeyote aliyepata daraja la IV wala la mwisho hivyo kupelekea Shule hiyo kushika nafasi ya 2 Kati ya 10 Kimkoa na nafasi ya 22 Kati ya 543 Kitaifa,hivyo kuongezeka kwa shule nyingine ya kidato cha tano ni kuendelea kuhakikisha elimu Wilayani hapa inakua kwa kasi na kujaza maarifa ya kutosha kwa wanafunzi wa Bukombe.